母親節康乃馨！ 還有什麼選擇?

母親節嘅例牌節目，總離不開送花！
因為幾乎個個女人都鍾意收花，而且做咗媽媽嘅女人會更加想收！（除非你阿爸婚後都繼續浪漫有情調啦！

不過送咩花同送咩顏色原來都各有意思，睇啱先好送畀媽媽呀！

康乃馨

母親節首選一定非康乃馨莫屬！
公認嘅「母親之花」，有「媽媽我愛你」，讚頌母愛之意。
花語：真挚、溫馨的祝福、熱愛着你、慈祥、不求代價的母愛

當用作送畀媽媽時，唔同顏色嘅康乃馨更有特別解釋：

紅色（母親節）：祝母親健康長壽
粉色（母親節）：祝母親永遠年輕美麗
黃色（母親節）：對母親的感謝之恩
白色（母親節）：懷念亡母
原來送白色…係代表……所以千祈咪送錯顏色！

除左康乃馨，仲有其他嘅母親花：

玫瑰──越南、印尼母親花

玫瑰向來都係美麗同愛情嘅象徵，好多人都以為只係情人節先用，但原來喺越南同印尼人係習慣將玫瑰送比媽媽！
紅玫瑰代表愛情，當送既對象係媽媽時，建議揀粉红、黃色、白色等顏色

花語：
粉红：象徵感動、溫柔真心
白色：純潔、我尊敬你
黃色：高貴、珍重祝福

魯冰花──客家人的母親花

有人視魯冰花為母親花，很大原因係來自90年代初台灣歌星甄妮所唱的電影《魯冰花》同名主題曲，當中一句歌詞「…夜夜想起媽媽的話，閃閃的淚光魯冰花…」。
此外，魯冰花生長喺貧脊土地上，凋謝後又是茶樹最好嘅肥料，比人刻苦耐勞以及有犧牲奉獻嘅感覺，正正合乎客家婦女與母親的形象。

花語：象徵母愛、刻苦耐勞、奉獻

百合──台灣原住民母親花

本身都好受女士歡迎嘅百合花，喺台灣排灣族原住民心目更係用黎讚頌母親。原住民族群認為百合純潔神聖，族中女性佩戴百合花飾更代表佢具有良好婦德同操守。

花語：優雅、純潔、高貴

萱草──中國母親之花

相信唔係好多人聽過萱草呢種花，但原來佢係中國版嘅「母親之花」！

相傳中國古時，每當遊子要遠行前都會預先種一些萱草，希望母親睇啲花就可忘卻憂愁。
唐朝孟郊就寫過一首有關萱草嘅詩：
「萱草生堂階，遊子行天涯；慈母倚堂門，不見萱草花。」《遊子詩》

花語：隱藏的愛、忘憂、療愁

萱草又叫金針花，佢花蕾部份其實就即係我哋平時食開嘅金針雲耳蒸雞中嘅金針！

圓形球狀嘅花朵，比人一種圓滿、團聚嘅感覺，象徵家人之間嘅聯繫，一家人點都唔會分開。
花語：美滿、團聚

牡丹

牡丹花雍容華貴，被譽為花中之王，媽媽喺屋企就有如皇后一樣，送牡丹襯得起佢尊貴嘅地位！
花語：富貴吉祥、圓滿、濃情

蘭花

蘭花品質高潔，有「花中君子」之稱。外表高雅嘅蘭花尤其得年紀較大嘅媽媽歡心！
除左以花束方式送贈外，蘭花仲適合以盆栽方式送贈，既大方得體又環保，可以比媽媽一年365日都欣賞得到你嘅心意。

蕙蘭花語：高貴雍容、豐盛祥和
蝴蝶蘭花語: 幸福、溫馨

唔知大家今年母親節又打算送邊一種花比媽媽呢?

以上資料由Happy Flower House 開心送花店提供